Kagem Guruku

Aku kelingan panjenegan
Amarga dudu geni arane
Yen ubale ora ngobori lakuku
Minyak pepetenging kaweruh
Cubluk ngelakoni kang sarwa ora gathuk
Tumrap pitutur , nalika kudu digugu
Tumrap piluwang , nalika kudu ditiru


Wengi kuwi ketemuku
Ana satengahing sujud
Nanging , apa panjenengan
Ya tansah ngelingi aku
Amarga dudu geni arane
Yen ubale ora diparengake
Ngobori lakuku


oleh : Putri Farah Anjarsari

SUKMA LELANA GUGAT

Angin kang mabur kekiteran ing dhuwur samodra

Sasat tanpa leren ngobahake banyu

Iwak gedhe iwak cilik padha gumregah

Jumedhul sakdhuwure ombak

Ilang swara mlebu ing akasa

Prau-prau lelangen

Ngoyak playune angen-angen

Kanthi jala lan jaring saka sutra obor thathit

Lan lintang sambung sinambung ing wewangunan jagad tepake isih katon cetha

by: budhisetyawan on: Januari 9, 2008

Siji Suro

wit-witan jumedhul saka ngakasa

maneka warna godhong lan woh-wohane

kebak aksara kang wis katulis bisa diwaca lan ora bisa diwaca

kadhang katon kadhang ora gumantung padhanging netra

banyu segara malih dadi seksi

kanthi cahya kang madhangi kitab

adammakna tan ana kang keri tan ana kang keliwatan kacathet

nora bakal ilang

by: budhisetyawan on: Januari 25, 2008